نهضة بركان عندهم كلمة وحدة: إما الجزائر تحترم قانون الكاف ونلعبو بتوني خريطة المغرب المعتمد أو ما نلعبوش
كود سبور//
غيغيب اللاعب المغربي الشاب أمين عدلي لاعب بايرن ليفكوزن الألماني عن الملاعب فالأسابيع المقبلة، بسبب الإصابة لي تعرض البارح السبت.
وعلن نادي ليفركوزن الألماني فبلاغ له على الإصابة ديال المهاجم أمين عدلي لي عندو 21 سنة فالعمر ديالو، وأكد أنه ما غيكونش متاح فالفترة المقبلة وبالتالي فالفريق خاصو يقلب على البديل ديالو.
الفريق الألماني وضح على أن أمين عدلي مصاب بكسر فالكتف ديالو الأيسر، وهي الإصابة لي جاتو فالماتش ديال ليفركوزن مع فريق اوغسبورغ فالدوري الألماني.
وواصل ليفركوزن الألماني الحديث ديالو على حالة الصحية ديال اللاعب المغربي الشاب، وأكد على أنه غيخضع لعملية جراحية وهو الأمر لي غيخليه يغيب فالأسابيع المقبلة ولمدة أكثر من شهر.
للإشارة فاللاعب أمين عدلي هو عندو جنسية مزدوجة مغربية فرنسية وسبق له لعب مع المنتخب الفرنسي ديال أقل من 21 سنة، وباقي محددش المنتخب لي غيلعب فيه فالمستقبل الكروي الدولي ديالو.