مصطفى الشاذلي – كود//
لاعب سابق في فريق الجيش الملكي انتحر فالحبس ديال العرجات 2، بعد معاناته من مرض نفسي.
هاد الانتحار أربك المسؤولين فالحبس، لأنهم ماكانوش كيتوقعوا أن هاد الشاب المسمى قيد حياته (سعيد ع)، غادي يوضع حد لحياته باستعمال مشنقة ربطها فالشرجم ديال طواليط.
وسبق لهاد الشاب أن لعب في صفوف صغار الجيش الملكي خصوصا في المينيم والكادي وبعض فرق الهواة.
النيابة العامة بمحكمة الاستئناف فالرباط سبق ليها أن وضعته هاد الشاب رهن الاعتقال الاحتياطي بالسجن، بعد القبض عليه بتهمة محاولة القتل العمد، ومن بعد أصيب بمرض نفسي في نونبر الماضي، نقل على اثره إلى المستشفى الرازي للأمراض العقلية والنفسية بسلا وبقى فيه 13 يوما قبل إعادته إلى سجن العرجات 2، لي قرر ينتحر فيه.