سعيد الشاوي-كود كازا //

اللي دارو الاتحاد الدستوري نهاية الاسبوع كان فضيحة. مؤتمر لحزب سياسي باغي يؤطر المواطنين ويخلق الحياة السياسية عطى المثال الخايب. فضيحة كبيرة وصافي. كلشي مقود فهاد المؤتمر. قاليك صراع الراضي الشاوي بلعسال. راه صراع المصالح الغبية واللي ما عندها علاقة بمصالح المواطنين ولا الدولة لا تخليق الحياة السياسية ولا المساهمة فدولة الحق والقانون. هاد الشي كولو اخر هم هاد الحزب.

امين عام تختار بالتصفيق. كانو مرشحين 4 وقالو ما بقى غير واحد وطلع واحد من هاد 4 كيقول وفين هو المؤتمر. كلشي عبيثي. كلشي متخلف. كلشي كيخلع من وضعية الاحزاب السياسية.

كانو يديرو صندوق. كانو غير يلعبو علي الشكل. حتى هاد الشي فهاد ليام ما بقاوش ياخدوه بعين الاعتبار الاحزاب السياسية. واش تصورو اش وقع؟ حتى بلعسال اللي قال مازال كيتسنى المؤتمر حقاش ما دازش جاب صحابو وهزوه على الاكتاف.

كاليك الكولسة ووو. راه التخربيق. هاد الحزب عندو دعم من الدولة. خاص الدولة توقف عليه هاد الدعم. ما دارش حتى شكل الديموقراطية. كلشي كان وزيعة بطريقة غبية.