الرئيسية > كود سبور > لائحة قوية للوداد فماتش بركان
02/10/2022 11:00 كود سبور

لائحة قوية للوداد فماتش بركان

لائحة قوية للوداد فماتش بركان

كود سبور//

غيواجه الوداد الرياضي مساء اليوم الأحد فريق نهضة بركان فماتش قوي على تيران محمد الخامس بالدار البيضاء ضمن الجولة 4 من منافسات البطولة.

ووجد الحسين عموتة مدرب الوداد لائحة قوية للماتش فيها 20 لعاب، كيغيب عليها لاعبين فقط هما ايمن الحسوني اللي مريض وحميد أحداد اللي مصاب فالكتف ديالو.

وكتكون لائحة الوداد ضد نهضة بركان من حارس المرمى رضا التكناوتي، ويوسف المطيع، وفالدفاع محمد فرحان، والحسين بنعيادة، وامين ابو الفتح، وارسن زولا، وحمزة ايت علال، ويحيى عطية الله، وأيوب العملود.

أما فوسط الميدان فكاين يحيى جبران، وجلال الداودي، ورضا الجعدي، وعبد الله حيمود، وإسماعيل المترجي، والهجوم فيه سيف الدين بوهرة، وزهير المترجي، وبديع أووك، ومحمد أوناجم، وجونيور سامبو، وكارتي ديمبيلي.

وعادي تنطلق مباراة الوداد الرياضي ونهضة بركان مع 8 و 30 دقيقة من مساء اليوم الأحد فستاد دونور فكازا فقمة الجولة 4 من البطولة الإحترافية لكرة القدم.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا