الرئيسية > الزين والحداكة > لأول مرة.. مثلياتان ولدو طفل حملو بيه بجوج فدقة وحدة
06/12/2019 02:00 الزين والحداكة

لأول مرة.. مثلياتان ولدو طفل حملو بيه بجوج فدقة وحدة

لأول مرة.. مثلياتان ولدو طفل حملو بيه بجوج فدقة وحدة

وكالات-كود//

في واقعة هي الأولى من نوعها جوج عيالات مثليات كيحبو بعضياتهم ولدو طفل حملو بيه بجوج بعدما دارو إجراء جراحي معروف باسم الأمومة المشتركة، كيسمح للجنين يكبر في رحم جوج ديال الأمهات.

ياسمين ودونا فرانسيس سميث ولدو طفلهم الأول سماوه أوتيس، وكان في الاول في رحم دونا، قبل ما ينقلوه لرحم شريكتها ياسمين.

العملية الجراحية ديال نقل الجنين تمتت في عيادة في لندن، وكتكون البداية بوضع البويضات في رحم الأم الأولى ومن بعد يكمل الجنين في رحم الثانية.

ياسمين لي خدامة كممرضة في طب الأسنان قالت: “انا فرحانة بزاف حيت شاركت في ولادة هاد الطفل. والأجمل أننا تشاركنا أنا ودونا في الحمل. وهادشي كيخلينا نحسو بالقرب كثر بزاف”.

الأطباء حتى هوما كانو فرحانين لتحقيق هاد الطفرة العلمية في الولادة والصحة الإنجابية.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه