وكالات-كود
البارح الثلاثاء كان استثنائي في بريطانيا لي عرفات افتتاح أول بنك ديال الشعر في العالم، ولي الهدف منو تجميد الخلايا وإعادة الزرع للناس القرعين.
بنك “هيركلون” غادي يتخلص بـ3 آلاف دولار مقابل تجميد عينة من شعر الرجل في الشباب ديالو ولي يحافظ عليها باش يقدر يزرعها ملي يكبر ويطيح لو الشعر.
عينات الشعر كتجمل في حرارة 180 تحت الصفر في البنك، ويمكن للدكتور يجمع شعر شخص واحد في نص ساعة وياخد منو 100 زغبة.
وأي واحد طاح ليه الشعر يقدر يدير عملية زرع خلايا الشعر بكلفة بين 4 و9 آلاف دولار، زيد عليها رسوم ديال جمع العينة وتخزينها، زيد عليها 120 دولار على كل سنة إضافية ديال التخزين، يعني خاصك ماهي وما لونها.