نجوى المالحي-كود//

فاتي جمالي، المنافسة ديال ليلى الحديوي على لقب “البومادة الصفرا” دارت أول أغنية بعنوان “غلطة كبيرة”. ولأول مرة في تاريخ طوندونس اليوتوب المغربي شدات البلاصة الأولى بأكبر عدد ديال الناس لي ماعجباتهمش الأغنية.

الأغنية ضربات مليون مشاهدة في نهار، لكن عدد المعجبين بالفيديو وصل غير لـ6 آلاف، اما لي ماعجباتهمش كانو مضاعفين وفاتو 23 ألف واحد، والتعاليق كانت كاملة انتقادات.

فاتي جمالي لي عندها لقب مليحة العرب تعقدات من الانتقاد لأن الأغنية مزويناش حسب جمهورها، وقررات في الأخير تسد التعاليق باش تحتفل بالمشاهدات فقط.