أنس العمري -كود///

البيي ديال الرحلات من المغرب لقطر يقدر يدخل عليه تغيير. فحسب ما علمته “كود” فإن التذاكر لي حجزات الجماهير المغربية لمتابعة من المدرجات مباريات الأسود في دور المجموعات غادي يكون متاح يدار عليها تعديل، في حالة تحقيق المنتخب الوطني العبور إلى ثمن نهائي المونديال.

مصدر كشف، لـ”كود”، أن بيان يتوقع أن يتم إصداره بعد المباراة، ولي غادي يتضمن عروض بالنسبة لي غادي يبغي يبقى ويشاهد مواجهة ثمن النهائي إذا ما تمكن المنتخب من حجز بطاقة التأهل، بينما لي غادي يبغي يرجع فالحجز لي دار غادي يبقى كيفما هو.

وستعمل “لارام” على برمجة سلسلة رحلات خاصة جديدة إلى قطر إذا ما استمرت رحلة المنتخب في كأس العالم، وداز لدور الثمن.