عفراء علوي محمدي- كود//

افتتح مجلس مدينة كازا، من خلال شركتو “الدار البيضاء بيئة”، الباركينكَ الجديد اللي كاين تحت الأرض، فشارع رشيدي، فقلب الحي الإداري، اللي كتبلغ المساحة ديالو 20 ألف متر مربع، وطاقتو الاستعابية كتهز حتى ل710 بلاصة.

وحسب بلاغ للمجلس، توصلات بيه “كود”، كيمكن المستخدمين يستعملو الباركينكَ باش يسطاسيونيو طوموبيلاتهم فيه، ويخلصو الاشتراك بالساعة أو اليوم أو الأسبوع أو الشهر.

وغيكون الباركينكَ، اللي مجهز بمعدات المراقبة والأمن، محلول 7 أيام فالسيمانة، وكيتضمن أحدث الخدمات اللي تحافظ على سلامة المستخدم فهذ الجايحة ديال فيروس كورونا.