عن المساء//

دارت القوات المسلحة الملكية بتنسيق مع وزارة الصحة سبيطار ميداني جديد فالقاعدة العسكرية فبنكَرير، كيهز أكثر من 380 سريرا.

وحسب يومية “المساء”، فهذ السبيطار دار بسباب تزايد عدد الإصابات بكورونا فالإقليم، والاكتظاظ اللي عرفاتو السبيطارات، حتى ولا بنادم ينعس فالأرض وحدا الطواليطات وحدا ليشومبر ديال الناس اللي مراض بالفيروس المعدي.

وكتقول “المساء” أن السبيطار ولا واجد دابا باش يستقبل المرضى بكورونا، وانضاف للمستشفى الميداني لاخر اللي تنشأ ف14 يونيو، واللي كيهز 350 سرير.

والسبيطار تعزز، حسب الجريدة نفسها، بطاقم طبي إضافي متخصص فالامراض التنفسية والطب العام والإنعاش والتخذير والمستعجلات، إضافة لأطباء عسكريين فطب البيولوجيا والصيدلة.