25/04/2024 21:00
هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
عمـر المزيـن – مكتب الرباط//
كيف ما گالت ل”كود” هادي يومين٬ إدريس اليزمي الرئيس ديال المجلس الوطني لحقوق الإنسان طار من بلاصتو. فقد استقبل الملك اليوم الخميس بالقصر الملكي بالرباط، أمينة بوعياش، وعينها رئيسة للمجلس الوطني لحقوق الإنسان.
يشار إلى أن بوعياش هي ناشطة حقوقية مغربية وهي بنت تطوان. وكانت عضو المنظمة العربية لحقوق الإنسان وولات رئيستها وعضو مجموعة الخبراء للدراسات الإستراتيجية في المنطقة في المفوضية العليا لحقوق الإنسان في الأمم المتحدة، وعندها بزاف من المناصب في الشأن الحقوقي والإنساني.
كما سبق للزوجة السابقة لرئيس المجلس الوطني للصحافة يونس مجاهد ان كانت مسؤولة مكتب الإتصال فالحكومة ديال عبد الرحمن اليوسفي. وكانت ناشطة في حملة حركة عائلات المعتقلين السياسيين في المغرب في منتصف السبعينات. وجات لهاد المنصب من استوكهولم حيث كانت سفيرة للمغرب قبلها كانت عضوة فاللجنة اللي كتبات دستور 2011
اليزمي خلص غالي تقريرو حول حراك الريف اللي قال باللي نشطاء تعرضو للتعذيب. تقرير اعتمداتو هيومان رايت وكاع المنظمات الحقوقية الدولية
