الرئيسية > آراء > كيفاش ولد الجينرال اللي عطاوه التعاون الدولي كيكرم بحال اوعشي. راه اهانة للدولة للمغربيات
09/03/2019 14:01 آراء

كيفاش ولد الجينرال اللي عطاوه التعاون الدولي كيكرم بحال اوعشي. راه اهانة للدولة للمغربيات

كيفاش ولد الجينرال اللي عطاوه التعاون الدولي كيكرم بحال اوعشي. راه اهانة للدولة للمغربيات

كود الداخلة ///

هاداك محمد مثقال اللي لصقوه لوزير الخارجية السابق الفعفاع صلاح الدين مزوار واللي خرج بمديرية التعاون الدولي واخا ما فيدوش٬ رجع هاد المؤسسة بحال ايلى دارو. دار شي تخربيقة فهاد ثامن مارس باش يبان حتى هو ودار شي تكريم منها لليلى اوعشي. وحدة من المغربيات اللي كيستغلو الصحرا مزيان وبمساعدة هاداك الوالي ديال الداخلة اللي باقي لاصق فمنصبو وما بغاوش يحيدوه٬ دايرة شي تخربيقة ما كتهم لا الصحراويات لا سكان وادي الذهب مسمياها صحراويات وكلشي كيخاف وكيدعمها. هادي كانت غير واجهة لانها قلباتها اوطيلات. هادي تم تكريمها.

اولا كدير العلاقات العامة. واش عمركم شي دولة محترمة كيكرمو العلاقات العامة الا ايلى كانت كتخدم مصالح الدولة العليا ماشي البيزنس ديالها. الصحرا كبيرة عليها وعلى امثال مثقال. بل تصرفاتهم كتضر القضية الوطنية كيف كيسميوها لينا. ناس الصحرا كيف كنعرفوهم ما عندهم علاقة لا باوعشي لا بهادا مثقال. الناس اللي كيخدمو المغرب ووحدويين ديال بصاح ما كيبانوش فالكاميرات كاع. حشومة التعاون الدولي اللي تابعة لوزارة الخارجية تعطى اولا بولد الجينرال مثقال. باغيين يورثو كلشي فهاد البلاد. وحشومة يبقى استغلال الصحرا وغيرها من قبل امثال اوعشي.

كونو تحشمو راه نهار توقع شي حاجة هادو غاديين يهربو واللي يواجه اولاد التراب. الصحرا خاصها ناسها خاصها اجهزة فالدولة اللي كتعرف ليها. باراكا من لعب لبراهش وتزيدو اللي كان. حنا سولنا اولاد وبنات الداخلة ما فاهمين والو فهاد التصرفات. فهادوك اللي كيركبو على هاد القضية وكيديرو الحبة ويبدنق ليهم الوالي وغيرو. ها كرانس مونتانا جاي وغادية الدولة او شي غبي فيها كيعطيها مارشي كيف ديما. غادية تكلف بمهمة بحال العلاقات مع الصحافة باش ديرها جهة اخرى كيف الدورات السابقة وهي مخلصة على خدمة ما كديرهاش ولا ما عمرها كملاتها.

موضوعات أخرى

29/03/2024 14:10

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:50

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 12:30

وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:30

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو