الرئيسية > آراء > كيفاش وزيرة المالية كضيع فلوس الدولة. نادية فتاح ضد الصحف الاكثر قراءة.. حصرات الجورنالات اللي مسموح ليها نشر الاعلانات الادارية فصحابها اللي ما كيقراهم حد واستثنات كاع الصحف الكبيرة ورقية او الكترونية =اللائحة كيفما تنشرات فالجريدة الرسمية=
28/12/2021 11:00 آراء

كيفاش وزيرة المالية كضيع فلوس الدولة. نادية فتاح ضد الصحف الاكثر قراءة.. حصرات الجورنالات اللي مسموح ليها نشر الاعلانات الادارية فصحابها اللي ما كيقراهم حد واستثنات كاع الصحف الكبيرة ورقية او الكترونية =اللائحة كيفما تنشرات فالجريدة الرسمية=

كيفاش وزيرة المالية كضيع فلوس الدولة. نادية فتاح ضد الصحف الاكثر قراءة.. حصرات الجورنالات اللي مسموح ليها نشر الاعلانات الادارية فصحابها اللي ما كيقراهم حد واستثنات كاع الصحف الكبيرة ورقية او الكترونية =اللائحة كيفما تنشرات فالجريدة الرسمية=

كود احمد الطيب الرباط ///

وزيرة المالية والاقتصاد دارت فضيحة كبيرة. نهار 3 نونبر اللي فات وقعات على قرار غبي خرج فالجريدة الرسمية٫ اي ولى معمول بيه٬ فالعدد 7048 بتاريخ 16 دجنبر 2021.

هاد القرار يتعلق ب « تحديد لائحة الجرائد المخول لها نشر الاعلانات القانونية المنصوص عليها في المادة 30 من القانون رقم 44.12 المتعلق بدعوة الجمهور الى الاكتتاب وبالمعلومات المطلوبة الى الاشخاص المعنوية والهيئات التي تدعو الجمهور الى الاكتتاب في اسهمها او سنداتها »

باختصار اي اعلان اداري خاصو يخرج فجرائر حدداتهم هاد الوزيرة ف23 جورنال.

دابا هادي هي لفضيحة لكبيرة. السيدة من هاد 23 جورنال يالله حددات 4 بالعربية وهي كلها جرائد حزبية ماشي لا اللولى لا الثانية لا الثالثة على مستوى الاقبال على القراءة. اي ان وزيرة المالية اللي كتقول لينا خاص نزيرو السمطة كتلوح فلوس الدولة بحال ايلى كتلوح الما فالرملة. هاد الجرائد هي: العلم والاتحاد الاشتراكي ورسالة الامة وبيان اليوم . حتى سياسيا تخربيقة. 3 صحف ناطقة باسم احزاب فالمعارضة وفيهم جريدة ديما عندها مشاكل باش تخلص موظفيها وهي رسالة الامة. صحافيون فيها سبق تشكاو من هاد الشي.

ندوزو للجرائد الفرنسية. فيهم 19. شي ما كيقراهم حد. شي ما كيعرفهم حد. كاينة ناشرة حطات 3 صحف ديالها. ما كيعرفها حد « لاكوتيديان » و «بورسنيوز» و « فينانس نيوز » ولا عرفتو الباقي غاديين تصدمو « لوروبورتير » و « لانوفيل تريبون » وموقعها حتى هو وصحف الاحزاب بالفرنسية. ايلى استثنينا « لافي ايكو » و « ليكونوميست » و « تيل كيل » ما كاين حتى شي جورنال يستاهل تقريبا.

هاد لوزيرة دارت الصحف الفرنسية اللي ما كيقراها حتى حد. فرضاتها على الاعلانات الادارية. جابت صحابها وصحاباتها بكل وقاحة وحطاتهم.

فهاد اللائحة ما كاينة لا الاخبار ولا الاحداث المغربية ولا الصباح ولا الايام ولا زمان ولا هسبريس ولا شوف تيفي. كيفاش كتفكر هاد لوزيرة؟

ثم علاش اصلا تحصر اللائحة مادام كاين القانون. اللي عندو شروط بيها كياخد الدعم يمكن تنشر فيه الاعلانات الادارية. الصحف القانونية عندها رقم اللجنة الثنائية =كيف كان فالماضي= او ما يعادله وصافي.

هاد لفضيحة خاصها معركة بين المهنيين. حقاش اهانة للصحف اللي كتخدم وريع للصحافة اللي ما عندهاش اقبال وخسران فلوس الاعلانات

موضوعات أخرى

28/04/2024 19:09

مؤتمر الاستقلال بلا لجنة تنفيذية.. وانتخابها غايبقى مفتوح حتى توجد لائحة عليها توافق

28/04/2024 18:23

الجشع السياسي والطمع فالمناصب بلوكا انتخاب اللجنة التنفيذية: بركة معزول وسط حروب تيارات وعائلات نافذة

28/04/2024 18:04

البركة قال باللي كيتشاور مع جهات عليا باش يحط لائحة أعضاء اللجنة التتفيذية لحزب الاستقلال

28/04/2024 17:55

عاجل.. رفع دورة المجلس الوطني ديال حزب الإستقلال لموعد لاحق بلا الإعلان على أعضاء اللجنة التنفيذية

28/04/2024 17:45

باش يتخفف من زحام حركة السير والجولان.. تغييرات دخلها قرار عاملي الخدمة فالمرسى ديال كازا