الرئيسية > تبركيك > كيفاش خرباتها ليلى اوعشي و”صحراوية” على الداخلة. احتقرات وهانت السكان والمنتخبين وحضور اجنبيات خرج على الداخلة اللي مهددة بحجر شامل
30/03/2021 12:45 تبركيك

كيفاش خرباتها ليلى اوعشي و”صحراوية” على الداخلة. احتقرات وهانت السكان والمنتخبين وحضور اجنبيات خرج على الداخلة اللي مهددة بحجر شامل

كيفاش خرباتها ليلى اوعشي و”صحراوية” على الداخلة. احتقرات وهانت السكان والمنتخبين وحضور اجنبيات خرج على الداخلة اللي مهددة بحجر شامل

علي الصافي – كود العيون///

قبل أيام نظمات ليلى أوعشي تخربيقة كبيرة فالداخلة سميتها “لحاق صحراوية” شاركات فيها أزيد من 80 مشاركة أغلبهن جايات من دول أوروبية دارو روينة فالمدينة، تساراو ونشطو وقصرو وكلاوْ وشربو ما لذ وطاب من المال العام، ومشاو وخلاوْ الداخلة مطلية بالسلالة المتحورة لفيروس كورونا.

أيييه گاع المشاركات فديك التخربيقة ديال “لحاق صحراوية” تْسَاراوْ فالمدينة بزااف وتلاقاوْ مع الساكنة وتقداو أتاي والملاحف وداكشي كامل ديال هدايا الصحراء من الحوانت فالسوق وحتى دوك الطالبات ديال ENCG كانو مشاركات معاهم، وطلقو السلالة المتحورة لكورونا تسرح فالمدينة، حقاش واخا دايرين البي سي إر مكايبينش بلي فيهم الفيروس الجديد أولا لا.

المصالح الصحية بجهة الداخلة وادي الذهب لاحظات خلال الأيام الأخيرة تم تسجيل عدد كبير من الإصابات بفيروس كورونا فبؤر عائلية وطلابية في مجموعة من الأحياء بمدينة الداخلة، وأغلب المصابين جاو برجليهم للمستشفى يديرو التحليلية ديال البي سي إر، يعني تدهورات الحالة الصحية ديالهم بطريقة غير عادية، هادشي يورد مصدر “گـود” دفع السلطات الصحية بالجهة لإخضاع عينات من هذه الحالات لتحاليل متقدمة في مختبرات مرجعية وطنية بمراكش والرباط، أسفرت نتائجها عن رصد إنتشار مهم للفيروس المتحور من النوع البريطاني ضمن هذه العينات، مؤكدا أنه يمكن اعتبار هذه الطفرة هي السائدة ضمن الحالات المسجلة بالجهة.

وأشار المصدر الطبي المتحدث لـ”گـود” إلى أن مصالح وزارة الصحة بجهة الداخلة وادي الذهب سارعت إلى اعتماد مجموعة من التدابير التي تروم الحد من انتشار هذه السلالة المتحورة، حيث تم خلال التكفل الفوري بجميع الحالات المصابة، وعزل مخالطيهم، بالإضافة إلى توسيع دائرة الكشف المبكر في صفوف الساكنة.

وبخصوص عودة الحجر الصحي الشامل لمدينة الداخلة، أفاد ذات المصدر أن كل الاحتمالات واردة من خلال تشديد الإجراءات الوقائية بتنسيق تام مع السلطات المحلية حسب تطور الوضع الوبائي في أفق العودة إلى الحالة الوبائية العادية.

موضوعات أخرى

29/03/2024 13:00

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:50

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم