الرئيسية > آراء > كيفاش الدولة المغربية كدعم شركة باطرونها اماراتي وهابي ومخلية شركتنا الوطنية . واش “لارام” غادية تتخلى على 20 طيارة وباش جات لوجيبة دور الصرف دخلات معاها الحكومة “العربية”
11/07/2020 14:00 آراء

كيفاش الدولة المغربية كدعم شركة باطرونها اماراتي وهابي ومخلية شركتنا الوطنية . واش “لارام” غادية تتخلى على 20 طيارة وباش جات لوجيبة دور الصرف دخلات معاها الحكومة “العربية”

كيفاش الدولة المغربية كدعم شركة باطرونها اماراتي وهابي ومخلية شركتنا الوطنية . واش “لارام” غادية تتخلى على 20 طيارة وباش جات لوجيبة دور الصرف دخلات معاها الحكومة “العربية”

كود اسماء غربي ///

من فضايح الحكومة الحالية وتخبطها دعمها لشركة اجنبية وضربها لشركة ديال الدولة. كنهدرو على هاد المارشي ديال الرحلات الخاصة اللي غادية تجيب ودي لمغاربة اللي كاينين برا والمقيمين اللي عايشين فالمملكة. 

الخطوط الملكية المغربية ديال الدولة. ضربات ضربة خايبة بزاف فهاد الازمة. كتخسر كل نهار 50 مليون درهم كيف قال رئيسها المدير العام عدو. خاصها 3 سنين باش توقف على رجليها وتضحيات كثار. غادية تخلص من 20 طيارة من اصل 59 عندنا فالاسطول. غادية تخلص من اكثر من 4 الاف موظف منهم 160 بيلوط. هاد الشي باش تخفف شوية وتقدر تقلع من جديد. برنامج قاصح بزاف بزاف.

الحكومة مسؤولة على جزء من هاد الازمة حقاش ما وقعاتش معاها على العقد البرنامج وكانت كتشوفها غادية مزيان وخلاتها. 

دابا لارام كانت محتاجة للدولة تساعدها  غير تاخد بوحدها هاد الرحلات الجوية ولكن دخلات معاها شركة اماراتية اللي هي “العربية”. هاد الشركة تملك فيها العربية الام فالامارات اكثر من 51 بالمائة والباقي هنا فالمغرب لشركات مغربية. هي ماشي مغربية. علاش الدولة المغربية دخلاتها. غادي يكون عندها شي محامي صحيح. 

هاد الشركة كانت٬ كيف نشرات “كود” فالسابق نسبة الى احد العارفين بهاد الميدان٬ من الاسباب اللي طيرات ادريس بنهيمة من لارام. كان رفض بدافع وطني ماشي لمصالحو الخاصة٬ يدار خط مباشر بين الدار البيضاء ودكار ل”العربية”. ناضو ليه مسامر الميدة اللي عندهم مصالح خاصة وضربوه وحفرو ليه حتى تبدل. طبعا غادي يكون امور خرا فهاد الشي. 

دابا مولاها كيف حكى ل”كود” عمدة سابق لاحدى المدن المغربية٬ كان تلاقاه فالامارات “وهابي متشدد”. يعني الحكومة المغربية كتدعم واحد بحال هاكا. 

لارام كان ممكن تتحرك بكاع اسطولها فهاد العملية وكانت غادية دخل لفلوس مباشرة. حقاش البيع عندها غير بوحدها. هاد الشي غادي يهنيها وما يخليهاش تتسنى بحال الايام العادية 3 اشهر عاد يوقع تحصيل فلوس التذاكر٬ ولكن الحكومة كان عندها راي اخر. 

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه