الرئيسية > آش واقع > كيفاش أمن الناظور دار حملة على عيالات بتهمة الدعارة بلا ما يكونو فحالة تلبس ودار بيهم التشهير وصوروهوم بالفيديو
21/06/2020 14:30 آش واقع

كيفاش أمن الناظور دار حملة على عيالات بتهمة الدعارة بلا ما يكونو فحالة تلبس ودار بيهم التشهير وصوروهوم بالفيديو

كيفاش أمن الناظور دار حملة على عيالات بتهمة الدعارة بلا ما يكونو فحالة تلبس ودار بيهم التشهير وصوروهوم بالفيديو

كريم الشركي-كود///

أمن الناظور دار واحد الدخلة خايبة فالنسا، بعدما دار حملة فشوارع المدينة لايقاف ممارسات الدعارة، حسب تعبير مواقع محلية.

هاد الحملة تصورات بالفيديو، وواخا مابانوش صور هاد النسا، ولكن مجرد وضع الكاميرا أمامهم كفيل بأنهم يحسوا بحكرة كبيرة وكأنهم قتلة أو كبار المجرمين، باش خص تتصور عملية ايقافهم.

الامن دار خدمة زوينة طيلة مدة الحجر الصحي مع وجود هفوات بسيطة، ولكن هادي زلقو فيها زلقة كبيرة، لأن القانون ينص على أن الدعارة خاصها تكون فحالة تلبس، ماشي لقينا مرة واقفة فالشارع غانعتابروها مقبلة على ممارسة الدعارة ونشدوها.

هاد الايقاف سينتهي عند وكيل الملك، اللي غادي يطلق سراح هاد لبنات ويصيفطهوم يمشيو فحالهم، وغالبا إما كيتم حفظ المتابعة أو متابعتها فحالة سراح وكتنتهي القضية بلا شيء حقاش أي محامي يقدر يربحها.

كاين شي حوايج كان الامن مطبع معاها، خاصو يوقفها، لأنها لا تبين العمل الامني بقدر ما تبين خرق القانون وإيقاف المواطنين بدون وجه حق.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها