كود- وكالات//

علنات مجموعة “أسترازينيكا” لتصنيع الأدوية، الجمعة، على نتائج مشجعة لدوا يقدر يحد بشكل كبير من خطر الإصابة بالأشكال الحادة من كوفيد-19.

وقالت المجموعة، فبيان ليها، أن الدوا الديالها، المكون من جوج أجسام مضادة، فعال بنسبة 77 فالمية من الوقاية من الإصابة بكورونا المرفوقة بالأعراض، عند الناس اللي عندهم عامل من عوامل الاختطار.

وقالت المجموعة أن الدوا يقدر يعطي مناعة لمدة 12 لشهر ضد الفيروس، وهذا اللي كيجعل منو أول جسم مضاد كيدوم لمدة طويلة.

وحسب بيان للمجموعة، فالأبحاث اللي دارت على الدوا بدات فنونبر 2020، وشملات 5197 مشارك ماتصابوش بالمرض، باش تعرف واش الدوا كيحمي من انتقال عدوى الفيروس عند الفئات المعرضة للخطر، بحال اللي خضعو للزرع أو خاضعين للعلاج الكيميائي.

ومولات الحكومة الأمريكية تطوير هذ الدوا، وعندها اتفاق مع المجموعة باش تاخذ 700 ألف جرعة منو.

ومن المفروض تسيفط الشركة البيانات على الدوا للسلطات الصحية، باش تاخذ الإذن للاستخدام الطارئ أو الموافقة المشروطة.