نجوى المالحي- كود//
كيقولو لمغاربة واحد المثل صحيح، وهو “كية لي جات فيه”، حيت فعلا ما كيحس بالحاجة غير لي جات فيه الدقة، وهادشي لي واقع عند عائلة باطمة.
باطمة لي ختها مشدودة في الحبس بسباب تورطها في قضية “حمزة مون بيبي”، ولي بالمناسبة حتى دنيا متورطة فيها، عايشة الحياة وما مسوقاش، أو على الأقل هادشي لي كتبين، ما كاين غير التصاور وهي حاملة وفرحانة في انتظار المولود والحب والغرام مع راجلها البحريني محمد الترك.
حتى واحد ما ينكر ان ابتسام دخلات لهاد المعمعة بسبب ختها، وكن كانت دنيا كتحترم الناس عمرها توصل معاهم لهادشي، وكيف أكدت مصادر قريبة من عائلتها لـ”كود” سابقا، فعلا أم باطمة كان عندها الحق فاش قالت تدخل ابتسام للحبس وما تدخلش دنيا، وطبعا راه كلشي عارف علاش.
