الرئيسية > آراء > كون فيدهم القرار علم الله اش غايديرو..شوفو سياسيين منهم برلماني الاستقلال اللي ديما على جماعة العدل والاحسان كيطالب الدولة تحل حزب النهج بسبب موقفو من الصحراء
15/11/2020 19:00 آراء

كون فيدهم القرار علم الله اش غايديرو..شوفو سياسيين منهم برلماني الاستقلال اللي ديما على جماعة العدل والاحسان كيطالب الدولة تحل حزب النهج بسبب موقفو من الصحراء

كون فيدهم القرار علم الله اش غايديرو..شوفو سياسيين منهم برلماني الاستقلال اللي ديما على جماعة العدل والاحسان كيطالب الدولة تحل حزب النهج بسبب موقفو من الصحراء

احمد الطيب كود الرباط//
البرلماني عن الفريق الاستقلالي عمر عباسي، لي كان مسؤول الشبيبة الاستقلالية قبل ما يصيفطوه بحالو بطريقة مذلة، دار تدوينة فيها قليان السم ضد حزب يساري مغربي معارض، تدوينة ضد حرية التعبير وضد يكونو احزاب معارضة كتعبر على رأي مخالف للسلطة. تبعو شي سياسيين خراين منهم زعيم شبيبة يسارية تبعو على نفس النهج واخا هو ما عمرو كان برلماني.

غير هو هاد البرلماني عمر عباسي كولشي عارف كيفاش طلع للبرلمان باللائحة الوطنية، وكولشي كيعرف كيفاش كيدير فيها حقوقي ومع الديمقراطية وو، في حين أن التصرفات لي كان كيدير فالشبيبة ديال الحزب فاش كان رئيسها، بعيدة على الديمقراطية، بل أكثر من ذلك غير نقاش بسيط معه كيبقا يتعصب بحال هو “مالك الحق” وهو فقط من يملك الحقيقة.

هادا لي كيدير فيها حقوقي ودافع على جماعة العدل والاحسان فالبرلمان بل مشا عندهم للمقر ديالهم ودار كلمة كلها شكر وتقدير للراحل عبد السلام ياسين، الجماعة لي مكتعرفش بها السلطة، اليوم كيجي كيرفق صكوك “الوطنية” على المغاربة والسياسيين. فاش قال “مكاينش منطقة وسطى بين الوطنية والخيانة”. وبلي يجب حل حزب النهج الديمقراطي.

حزب النهج وحتى الجمعية المغربية لحقوق الانسان، عندهم نفس الموقف ومبدلوش، قبل أحداث الكركرات أو بعدها، هو مع حق تقرير المصير، وضد الحرب. وحيث هو حزب يساري راديكالي باقي كيأمن بالوحدة العربية وتوحيد الشعوب وف نفس الوقت حق الشعوب في تقرير مصيرها.

المغرب كيتميز بأنه كيسمح للمعارضين يعبرو على أصوتهم داخليا، وأكثر من ذلك تا ما يسمى انفصاليو الداخل شحال من مرة عبرو على آرائهم والمغرب مشدهم ومعتقلهمش ولا تا حاجة.

طبعا كيف قال وزير الدولة المكلف بحقوق الانسان، المغرب ماشي بلد ديمقراطي ولكن في نفس الوقت ماشي دكتاتوري، وبلي كنعيشو فترة انتقالية.

وكيفاش تجي نتا لي مزال معارفين كيفاش طلعتي برلماني وتقول خاص الداخلية تفعل مسطرة حل حزب النهج. كون فيديك القرار والسلطة علم الله شحال من واحد بغيتي تسد ليه فمو.

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا