نجوى المالحي- كود//
مرة أخرى، قرر سعد لمجرد يأجل إصدار أغنيتو الجديدة، بسبب وفاة بزاف ديال المشاهير منهم، رجاء الجداوي، والفنان المغربي عبد العظيم الشناوي.
سعد لمجرد، حط فيديو على حسابو في انستكرام، كيشرح فيه للمتتبعين السبب لي خلاه يأجل الصدور ديال الأغنية، وختم الفيديو بتصاور ديال الراحلين، وطبعا استثنى الفنان الفكاهي الكبير محمد لكريمي.
السؤال علاش سعد لمجرد استثنى الممثل الكوميدي لكريمي، لي مات قبل يومين، واش حتى الموت بالوجهيات، واخا لكريمي كتبات على الوفاة ديالو وسائل إعلام عربية من قوة كان مشهور.
ولتذكير، لمجرد مازال متابع في جوج قضايا ديال الاعتداء الجنسي في فرنسا، والقضاء مازال ماقال فيهم كلمتو الاخيرة.
