أسماء غربي -كود//
هاد البلوكَزات لي ولاو بحال الفكَيع فضايحهم كتكبر وتزيد نهار على نهار. هاد خياتنا لي راس مالهم هضرة خاوية مبقاوش كيديرو مسابقات ديال فابور باش يزيرو عدد المتتبعين، وانما تزادت الحقارة باش يدير فلوس كاش.
هاد البلان ديال الفلوس بداتو وحدة دارت 3 آلاف درهم لأي واحد غادي يتابعها في الكونت ديالها وتبعاتها وحدة اخرة دارت ألف درهم وشي منتوجات ديال شي شركة.
دابة بنادم عاق وفاق ولا كيعرف المتابعين المشريين من الحقيقيين، وهاد البلوكَوزات لي سماهم شوبي “مؤخرات” خدمو داك العقل لي كسابوه ودارو هاد الحيلة ديال فلوس باش يزيدو المتابعين.
بنادم را وجهو صحيح ومكيمركَوش.
دابا ممنوع توزيع لفلوس مباشرة كيف كيديروها هاد بنادم. كون دارها شي سلفي او شي واحد محسوب على التيار الاسلامي كون دارو ليه متابعة بقانون الارهاب كاع. علاش ما تحركش النيابة العامة ضد هاد الامراض اللي تناشرات فالبلاد.