كود كازا//

دارت شركة “أناييس” سناك صغير باسم “Le coin Anaïs”، كيخدم الأشخاص من صحاب الاحتياجات الخاصة، وكيقترح ديزوفر عمل ليهم لإدماجهم فسوق الشغل.

وحسب بيان للشركة، فالسناك الخاص بالوجبات السريعة والحلويات كيدير للأشخاص من صحاب الاحتياجات الخاصة دي فورماسيون وورشات فمجال الطبخ، وكيهيأهم لإعداد الوجبات المغربية المعتمدة من “La Buvette du Maroc”.

وحسب نفس البيان، فإن الهدف من هذا المشروع هو زيادة الوعي بأهمية تشغيل ذوي الاحتياجات الخاصة، اللي كيعتبر ان هذ الأشخاص اكفاء بدورهم وعندهم إمكانيات ممكن تستثمر بشكل مزيان، بحالهم بحال جميع الناس.

ودارت الشركة هذ السناك بمناسبة اليوم العالمي للأشخاص من ذوي الاحتياحات الخاصة، اللي كيصادف 3 دجنبر من كل عام.