الرئيسية > ميديا وثقافة > كورونا. واش رمضان هاد العام غادي يدوز بلا برمجة.. المركز السينمائي كيقلب على حل لتصوير البرامج والسيتكومات
05/04/2020 08:00 ميديا وثقافة

كورونا. واش رمضان هاد العام غادي يدوز بلا برمجة.. المركز السينمائي كيقلب على حل لتصوير البرامج والسيتكومات

كورونا. واش رمضان هاد العام غادي يدوز بلا برمجة.. المركز السينمائي كيقلب على حل لتصوير البرامج والسيتكومات

نجوى المالحي- كود//

الوضع الحالي لي كيعرفو العالم والمغرب حتى هو، بسباب انتشار فيروس كورونا، خلا جميع المشاريع ديال التصوير يتوقف، ودابة المركز السينمائي والتلفازات وحتى شركات الإنتاج كتقلب على حل باش تصور شي حاجة تعرض في شهر رمضان.

شركات الإنتاج متخوفة لا يبقى الوضع مطول، وما غادي تلقى التلفزة ما تعرض في رمضان بسبب توقف التصوير لي مفروض كيكون شهرين قبل رمضان بشكل مكثف.

هادشي علاش حسب مصادر “كود” الجهة الوصية قالت أنها ممكن تصور سيتكومات وبرامج لشهر رمضان مع اتخاذ الاحتياطات اللازمة.

لحدود الساعة مازال المركز السينمائي باعتباره الجهة الوصية كيقلب على طريقة باش يتم تصوير بعض البرامج والسيتكومات لرمضان، خصوصا أن حالة الطوارئ تقدر تسالا يومين فقط قبل دخول رمضان، ولا تقدر تزيد، داكشي غادي يكون حسب الوضع الوبائي في المغرب.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه