20/04/2024 09:00
نهضة بركان عندهم كلمة وحدة: إما الجزائر تحترم قانون الكاف ونلعبو بتوني خريطة المغرب المعتمد أو ما نلعبوش
كود كازا ///
كورونا قتلات الصحافي الفرنسي جون لوي سيرفان شرايبر. تصاب بيها وما قدرش يقاومها. مات فباريس وعمرو 83 عام.. هاد الصحافي عندو علاقة قوية بالمغرب. كان كيزورها مع مراتو بيرلا.
فالمغرب ترك بصمة واضحة فالصحافة المغربية. هو اللي طلق الاسبوعية الاقتصادية الوحيدة فالمغرب “لاڤي ايكو” بعدها بسنوات عاود تجربة اخرى مع احمد رضى بنشمسي وكان من المساهمين ف”تيل كيل” و”نيشان”.
دوز الصحافة وولى من مؤسسي المجلات. اسس ف1967 “ليكسبونسيون” المتخصصة فالاقتصاد وبعدها “بسيكولوجي”.
رئيس مهرجان كان الصحافي بيير ليسكير كتب فتويتير على “رجل الصحافة الكبير” اللي “خدم بلا ما يتوقف على الطبيعة الانسانية وغناها” بينما باطرون اخر فالصحافة الان ڤايل فحيى “رجل الصحافة المميز”. هاد الباطرون اللي كان خدم مع شرايبر قبل٬ هدر على “نصائحو القيمة باش طلقت “ليكسبريس”.
شرايبر كتب كتب منها “المقاولة بوجه انساني” و”فن الزمن” و”العيش بسعادة” ودار كتاب على “الشيخوخة” واخر على “سلطة الاخبار”.
