عمـر المزيـن – كود//

القضية شعلات بين الباطرونا وتجمع البنوك بسبب أزمة التمويل اللّي خلقاتها “كورونا” فيروس.

رئيس التجمع المهني للبنوك، عثمان بنجلون، ناض اليوم السبت كيرد على الرسالة اللّي صيفط رئيس الباطرونا شكيب لعلج اللي حذر فيها على الخطوة اللي دارتها المجموعة بعدما قررت توقيف مجموعة من التسهيلات اللي كانت كتقدم للمقاولات.

واحتج رئيس التجمع المهني للبنوك المغربية على رئيس الباطرونا، وعبر عن رفضه للرسالة التي وجهها حقاش معندهاش حتى شي أساس. حسب تعبير رئيس التجمع عثمان بنجلون.

وكان رئيس الباطرونا قد دعا رئيس التجمع المهني البنكي المغربي إلى العمل على حمل المصارف المغربية على التراجع عن الخطوات التي اتخذتها مؤخرا.

في مقابل ذلك، رفض رئيس الباطرونا الرد على الرسالة اللي جاوبو بيها رئيس التجمع المهني للبنوك، واكتفى بالقول في اتصال أجرته معه “كود”: منقدرش نعلق على هادشي اللّي واقع دبا حقاش أصلا الأمور معقدة. ومن بعد غادي نجاوبو، ودبا معندي منقول”.