وحسب ما صرح بيه خالد السالمي، المدير الجهوي للصحة فجهة، فالأمر كيتعلق برجل متوسط العمر، وافد من طنجة، وكان جا للراشدية باش يشوف عائلتو، قبل ما تبان فيه أعراض الفيروس، ويدير بالتالي الكشف اللي طلعات نتائجو إيجابية.
السالمي قال، فتصريحو ل”كود”، أن الأعراض اللي عند المعني بالامر خفيفة، بحيث عندو شوية دالسخانة والكحة، وحالتو مستقرة، وكيتعالج دابا فالمستشفى الجهوي مولاي علي الشريف فالراشدية.
وكشف السالمي أن الوحدات الطبية دارت البحث ديالها من أجل تقصي المخالطين ديال هذ الحالة النشيطة الوحيدة اللي كاينة فالجهة، باش يتم إخضاعهم حتى هوما لاختبار كورونا، ويعرفوهم واش تقاسو ولا لا.