نجوى المالحي- كود//
تلقات الفنانة المغربية بسمة بوسيل بزاف ديال الانتقادات بسبب الخبر لي حطاتو ستوري في حسابها على أنستكَرام كتقول فيه أنها قررات تتبرع لبزاف ديال الأسر المصرية بسبب جائحة كورونا لي كتضرب لبلاد.
بسمة نزلو عليها المغاربة بتعليقات خايبة كيقولو ليها أنه بلادها أولى بالتبرع، وعوض ما تتبرع لبلدان أخرى راه كاين أسر مغربية محتاجة للمساعدة بسبب هاد الفيروس.
بسمة جاوبات التعليقات لي وصلاتها بطريقة منفعلة وقالت ليهم حتى واحد ما عارفني آش كندير في بلادي، وأنها أول وحدة دارت العمل التبرعي بعد انتشار كورونا في المغرب لكن رغم ذلك ما بغاتش تعلن عليه.
