الرئيسية > آش واقع > “كورونافاك”. شركة شينوية معروفة: الفاكسان كاين ومستاعدين نسوقو منو 100 مليون جرعة فالعام
01/05/2020 07:30 آش واقع

“كورونافاك”. شركة شينوية معروفة: الفاكسان كاين ومستاعدين نسوقو منو 100 مليون جرعة فالعام

“كورونافاك”. شركة شينوية معروفة: الفاكسان كاين ومستاعدين نسوقو منو 100 مليون جرعة فالعام

كود- عن ليكسبير//

شركة المستحضرات الدوائية الحيوية الصينية، “سينوفاك بايوتيك”، اللي خرجات اللولة عالميا لقاح ضد إنفلونزا الخنازير “H1N1″، قالت أنها مستعدة تنتج 100 مليون جرعة فالعام من فاكسان ضد فيروس كورونا المستجد.

وواخا لقاحها مازال ماعطاش نتائج حقيقية، فمختبراتها في العاصمة بيكين، “سينوفاك بايوتيك” بدات مراقبة تجارب الفاكسان اللي سماتو “كورونافاك coronavac”.

وبدات الشركة كتنتج فاللقاحات من دابا، واخا مازال ما كملات الأبحاث ديالها الكلينيكية، حيت كتقول انها حصلات على نتائج مشجعة على القرودا، ودابا قادرة تجربو على المصابين، وفمنتصف أبريل دارت التجارب على 144 متطوع، ولكن لحد الساعة مازال الشركة ما حددات التاريخ اللي غادي تسوق فيه الفاكسان.

الشركة كتمنى تتوصل بآخر النتائج على اللقاح فاللخر ديال يونيو، وأهم التجارب اللي مازال كتدرسها الشركة على اللقاح هي واش آمن، وواش قادر يجنب الإصابة بالفيروس بشكل فعال.

المشكل هو ان شركة “سينوفاك بايوتيك” صغيرة وصعيب تقدر تصنع وتسوق لقاح للعالم كامل، ولكن اكد مدير الشركة مينگ وينينگ انهم مستاعدين يديرو شراكات.

وللإشارة فمنظمة الصحة العالمية أكدات ان فاكسان ضد كورونا غادي ياخد بزاف ديال الوقت ، وتقدر توصل المدة بين 12 حتى لـ18 شهر.

موضوعات أخرى

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه