وتوصل “كود” بمعطيات خاصة كتفيد أن الوداد الرياضي كان حريص على مصلحة اللاعب الجزائري سواء قبل التوقيع مع الفريق أو من بعد منها أو النادي برئاسة سعيد الناصيري فحالو فحال جميع المغاربة كيبغي يخلي الضيوف ديالهم مرتاحين.
والمعلومات اللي عندو “كود” كتقول أن المخابرات الجزائرية دخلات على الخط ملي عرفت ان جمال بن العمري سنا مع الوداد الرياضي وبغات تحرمو يلعب بالمغرب ومع الوداد، وأن اللاعب تعرض لضغوطات من طرف العسكر الجزائري وصلات لتهديدات لعائلاتو فحالة بدأ كيلعب مع الوداد الرياضي أو احترف في المغرب.
وحسب نفس المعلومات فجمال بن العمري اللي سبق له لعب بفرنسا وقطر، وراه سبق أيضا وكان سطاجير فالجيش الجزائري ولو أنه تخلى على فكرة الانضمام إلى عسكر الكبرانات شحال هادي وتبع الكرة، ولكن هم ما نساوهش وملي عرفو أنه جا المغرب ما تقبلوش هادشي وناضو كيهددو فيه الشي اللي خلاه يغادر الفريق من بعدما سنا معاه بساعات ويشد الطائرة ويمشي الجزائري.
أما بالنسبة الوداد الرياضي فمتشبث بحقو فالعقد اللي سناه مع اللاعب الجزائري جمال بن العمري، وكيحتارمو وغيدافع على هاد الحق قدام أي هيئة رياضية سوا الاتحاد الدولي لكرة القدم الفيفا أو المحكمة الرياضية الدولي “الطاس”.