لامارين روايال عتقات 131 حراگ من دول أفريقيا جنوب الصحراء كانوا فجوج زودياگات شمال العيون
عمـر المزيـن – مكتب الرباط//
أحداث ثقافية كبيرة بصمات فهاد العام ديال 2018. ومن أبرزها كاين الحدث العربي الكبير ديال وجدة عاصمة للثقافة العربية. هاد الحدث التاريخي كانت فيه رسائل قوية للجزائر اللي مزالة مابغاش تتفاعل إيجابا مع الخطاب الأخير ديال الملك والذي دعا فيه بصريح العبارة إلى فتح الحدود بين البلدين الجارين.
اختيار وجدة عاصمة ديال الثقافة العربية لسنة 2018 مكانش حدث سهل على اللجنة التي أشرفت على تنظيم هاد الحدث لكبير بالرئاسة ديال وزير الثقافة والاتصال محمد الأعرج اللي كان مواكب شخصيا هاد الحدث. السيد كان داير كولشي كيف شافت “كود”. وحتى من استقبال الضيوف.
وكان واقف حتى على الأمور ديال اللوجستيك بيديه. الهدف الأساسي اللي كان مركز عليه الوزير الأعرج من هاد التظاهرة هو خلق حركية ثقافية بالجهة الشرقية وفتح الفرص أمام إشراك القطاعات والفعاليات الجهوية والمحلية للمساهمة فهاد الفعاليات الثقافية اللّي جاو شاركو فيه بزاف ديال الدول العربية وحتى الجزائر كانت حاضرة.
حدث أدبي كبير حتى هو بصم فهاد العام يتعلق بالأمازيغية. فقد قررت الوزارة ديال الثقافة إدراج الإبداع الأمازيغي ضمن جائزة الكتب. الحكومة كانت صادقات على واحد المرسوم يقضي بتوسيع أصناف جائزة المغرب للكتاب لتشمل ولأول مرة الإبداعات الأدبية الأمازيغية.
إنجاز آخر عندو علاقة بموارد الصندوق الوطني ديال العمل الثقافي. هاد الصندوق سجّل فسابقة من نوعها ارتفاع مهم فالمداخيل ديال خدمات زيارة المواقع والمعالم التاريخية، إذ بلغ المجموع العام للمداخيل خلال شهر شتنبر من سنة 2018 (10.422.510 درهما)، في المقابل بلغ المجموع العام للمداخيل خلال شهر شتنبر من سنة 2017 (2.088.691) درهما.
سنة 2018 وحنا كنودعوها كانو فيها أحداث وبرامج ثقافية كبيرة منها تدوين التراث الحساني، الاحتفال باليوم العالمي للموسيقى، التراث الثقافي اللاّمادي، المنتدى الوطني للمسرح، بالإضافة إلى احتفال مدينة فاس بالدورة الرابعة ديال المهرجان الوطني لفنون الشارع.