كريم الصوفي – كود//
نشر موقع القناة الفرنسية الثالثة، مؤخرا، ربورتاج عن كوبل مغربي (ابراهيم وأودري) اللي قرر بعد 9 شهر باش يسد الريسطو ديالو ف منطقة فوفينت سانت أندوش بسبب التهديدات والاستفزازت العنصرية اللي تلقاها من مجهولين.
وحسب القناة الفرنسية، عمدة البلدية والسكان المحليين دايرين حملة تضامنية كبيرة باش يخليو ابراهيم وأودري يبدلو الرأي ديالهم. هاذ الحملة بلغات حد تنظيم وقفة شاركات فيها فعاليات من بلديات مجاروة، كما تم نشر تفاصيل القصة ف السوشيال ميديا.
الاستفزازات العنصرية بلغات حد ثقب البنو ديال الطوموبيل ديال ابراهيم والمكالمات الهاتفية غير المرغوب فيها وسط الليل وإيحاءات عنصرية من أحد الكليان..
