كود – وكالات//

عن غير قصد، واحد الكوبل كوري خسر طابلو فني كيدير 500 ألف دولار، فكَلري فسيول فكوريا الجنوبية.

اللي خدامين فالكَالري اكتشفو أن الطابلو ديال الفنان “جون وان” تزادو فيه علامات بصباغة خضرة مغلوقة، البوليس جبدو كاميرات المراقبة وعرفو شكون مول الفعلة، بيحيث بانو البنت والولد كيصبغو فالطابلو بشيتة.

الشيتة والصبايغ كانت موضوعة بجنب الطابلو، اللي كانت جزء منو، لكن الكوبل جابليهم الله واش هذي لوحة ديال الفن التشاركو، والزوار اللي كيجيو جميع كيشاركو فيها.

وقال المدير ديال المعرض أنهم اعترفو بخطأهم وماداروش هذشي عن قصد، وانه كيهضر مع مول الطابلو باش يقررو شنو ممكن يدار.

وهذ الطابلو هو بدون عنوان، ودار ف2016 فعرض لايف قدام الجمهور.