نجوى المالحي-كود//
الممثلة نسرين الراضي كتعيش حالة حزن كبيرة بزاف بعد وفاة الأب ديالها.
بطلة الفيلم السينمائي “آدم” لي تعرض في مهرجان “كان” الدولي، كتبات كلمات مؤثرة جدا على والدها، وبان من كلامها أن علاقة قوية كانت جامعاهم.
وقالت نسرين “مات الانسان لكنت كنعيش على قبلو. مات الانسان لكنت كنظحكو او كنشوف فعينيه شحال فخور بيا. مات الانسان لكنت كنمتل على ودو. مات او انا مكايناش حداه ، مات الانسان لكان كيخليني نتيق فراسي. مات الانسان لكان كيقوليا ديما تيقي فراسك او متشوفيش موراك مات أحسن راجل عرفت فحياتي كلها مات أو حتى حاجة فالحياة من بعدو مغتفرحني… مات بابا. انا الحياة كلها دابا تسالات معاه ، كنبغيك بزاف بابا او معمرني غنكون فرحانة بلا بيك”.
بزاف ديال الممثلين عزاوها فوفاتو وطلبو منها الصبر، لأن الحياة هي هادي.