الرئيسية > آراء > كحلوش ف”ستانداب” او كيفاش التلفزيون والفنانين كيطبعو مع لكليشيهات العنصرية ضد السود
06/02/2019 11:29 آراء

كحلوش ف”ستانداب” او كيفاش التلفزيون والفنانين كيطبعو مع لكليشيهات العنصرية ضد السود

كحلوش ف”ستانداب” او كيفاش التلفزيون والفنانين كيطبعو مع لكليشيهات العنصرية ضد السود

كود اسماء غربي ////

سكيتش لكحلوش اللي داز فالبرايم الرابع السبت اللي فات ف”الاولى” فبرنامج قالو لينا كيكشتاشف المواهب الكوميدية “ستانداب” فضيحة وصافي.

عبد الله بركاوي من زاكورة دار عرضو “كحلوش” اللي كولو كليشيهات عنصرية على السود. السود اللي جايين من افريقيا جنوب الصحراء او السود المغاربة. كحلوش غير الاسم عنصري. ماشي كحل بل كحلوش. كلمة كيسبو فيها لمغاربة خوتهم على اساس اللون. ثم لكليشيهات كثيرة. كحلوش كينقز كحلوش بحال العتروس كينطح. كحلوش ماشي من هاد العالم. عايش.

لفضيحة ماشي فالجمهور اللي كان عاجبو هاد العرض العنصري بل فلجنة التحكيم. لطيفة احرار بدات بترديد طريقة كلام الافارقة. اهانة لهاد الناس. فدولة متحضرة يستحيل تلقاو هاد التخربيق. جا دور واحد بحال محمد الخياري. ضعيف بزاف وهو خاصو يتعلم حقاش مازال ناقصو بزاف. اش دار. ناض وصفق. اواه ما كاين حتى حد يقول باللي هاد الشي راه تسويق لكليشيهات عنصرية.

دابا هاد التلفزيون مسؤول على هاد الشي والهاكا خاصها تتدخل وتشوف ومن بعد تتخد القرار اللي كيبان ليها.

موضوعات أخرى

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

لاگوارديا سيپيل شدو جهادي صبليوني من أصل مغربي نشر رسائل مشفرة لدعم داعش وشروحات حول كيفية تصنيع المتفجرات

28/03/2024 21:05

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة

28/03/2024 21:00

يكذب الإسلامي وهو يتحدث عن تفكك الأسرة في الغرب! نحن روحانيون وأسرنا متماسكة وأطفالنا يكبرون في الشارع بعناية إلهية

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية