نجوى المالحي -كود//

أكدات الممثلة دنيا باطمة أنها غادي تلجأ للقضاء باش ينصفها ضد الناس لي كيوجهو ليها اتهامات ماليها لا ساس لا راس فيها.

واللي وقع هو ان شي وحدين دخلو لبيوگرافي ديال باطمة فموقع ويكيبديا، وبدلو كلمة “مغنية” ب”قح*ة”، وكتبو: “دنيا باطمة هي قح*ة مغربية تشهرات بعد مشاركتها ف”اراب ايدول”…

وقالت باطمة في لقاء صحافي أن بزاف ديال الناس ماكيلقاو مايديرو كيجبدوها باش يديرو البوز ويقدرو يطيحو عليها الباطل ويضروها، وهي عيات من هادشي.

وأكدات باطمة أنها مكتبغيش تدوي في هادشي لكن ملي كثرو عليها الهضرة والاتهامات الحل هو المحاكم.

وقدرات دنيا تبدل داكشي اللي تكتب عليها في ويكيبيديا، وردات “مغنية مغربية”.