وكالات //

طوبة مشهورة في كمبوديا، سميتها ماكَاوا (Magawa)، خرجات تقاعد من بعد 5 سنين ديال الخدمة. فهاد المدة نجحات أنها تلقى اكثر من 71 لغم و38 قنبولة في 5 سنين، وبداو الناس كايوصفوها بالبطلة.

ماكَاوا هي من أصل إفريقي (طنزانيا) وتم تدريبها على شم المتفجرات من طرف منظمة “APOPO” اللي خدامة فهاد المجال بين طنزانيا، أنكَولا و كمبوديا.

العام اللي فات، خدات هاد الطوبة ميدالية ذهبية على الدور ديالها البطولي حيت كاتعتق أرواح الناس، وفي 12 دقيقة كايقدر تقلب مساحة فيها 100 متر متربع، مقارنة مع الطوبات الأخرى اللي خاصها 20 دقيقة لنفس المساحة.

هاد الطوبات كتعتامد بالأساس على حاسة الشم باش كتلقى المتفجرات، وكيتم تدريبها على ذلك، و استعمال قدرات هاد الحيوانات في هاد النوع من العمليات الخطيرة هو معروف فـ كمبوديا منذ سنوات بحال عدد آخر من الدول.

وكيفما جا في تقرير ديال الأمم المتحدة فإن اكثر من 40 ألف شخص تعطبو ف الأجساد ديالهم بسباب الألغام الأرضية، داكشي علاش الخدمة اللي دارها هاد الحيوان كاتبقى عندها قيمة كبيرة خصوصا فـ المناطق اللي كاتعرف حروب و نزاعات أو اللي دازت منها قبل.

With mixed feelings, we announce that PDSA Gold-medalist Magawa will be retiring this month. Although still in good health, he has reached a retirement age and is clearly starting to slow down. It is time.

Thanks so much for supporting him!
Read more: https://t.co/so4e79BXeT pic.twitter.com/ZiFjWGGY5E

— APOPO (@HeroRATs) June 4, 2021