كود كازا//

خسارة أن فنان بحال حسن الفد يطيح في الروسيكلاج والنمطية الخيبة. حسن الفذ ارتكب جريمة بشعة في حقو، وخلا شخصية كبور بناني سميرس تقتل حسن لي كيبغيو ناس.

من نهار نجح كبور والشعيبة وحسن الفد مبقاش فد، وولا كيعيش وسط دور بدا كيطلع في راس. حيت أي حاجة كثرنا منها كتطلع لينا في المخ.

فين أيامات حسن ورباعتو، فين أيامات عين السبع، فين أيامات الضحك ديال المعقول… سي حسن شد شخصية كبور وقجها ومازال ناوي يخرج منها الزيت البلدية.

مكرهناش نشوفو الجديد. عينا من الروسيكلاج ومن نفس الهضرة لي كتعاود في كازا والرباط والمريخ.