الرئيسية > آش واقع > كاينة تضاربات فالأرقام.. المديريات علنات تسجيل 3 وفيات جديدة بكورونا ووزارة الصحة قالت غير جوج.. وجهات الرباط وكازا هوما اللي حققو أكبر عدد دالإصابات اليوم.. وها باقي تفاصيل الحالة الوبائية فالجهات والأقاليم
05/05/2020 18:30 آش واقع

كاينة تضاربات فالأرقام.. المديريات علنات تسجيل 3 وفيات جديدة بكورونا ووزارة الصحة قالت غير جوج.. وجهات الرباط وكازا هوما اللي حققو أكبر عدد دالإصابات اليوم.. وها باقي تفاصيل الحالة الوبائية فالجهات والأقاليم

كاينة  تضاربات فالأرقام.. المديريات علنات تسجيل 3 وفيات جديدة بكورونا ووزارة الصحة قالت غير جوج.. وجهات الرباط وكازا هوما اللي حققو أكبر عدد دالإصابات اليوم.. وها باقي تفاصيل الحالة الوبائية فالجهات والأقاليم

عفراء علوي محمدي- كود//

فالوقت اللي اليوم علنات وزارة الصحة على تسجيل جوج حالات ديال الوفاة بفيروس كورونا المستجد هذ النهار، المديرية الجهوية ديال مراكش آسفي علنات على جوج حالة وفيات فمدينة مراكش، ومديرية طنجة تطوان الحسيمة علنات على حالة وفاة جديدة حتى هي اليوم، وتحديدا فمدينة طنجة.

آخر إحصاء رسمي ديال الوزارة تحد مع الربعة ديال العشية، اليوم الثلاثاء 5 ماي، وهو نفس الوقت اللي حبسات فيه هذ المديريات الحساب، وهذ التضارب فالأرقام ممكن يكون ناتج عن خطأ ما، دارتو الوزارة أو دارتو وحدة من هذ المديريات.

والتضارب فالأرقام مكاينش غير فهذشي، جهة مراكش آسفي اليوم نقصات اليوم 25 إصابة كاملة لإقليم الرحامنة، وسجلات 40 إصابة جديدة غير فمراكش بوحدها اليوم، فوقت اللي علنات غير على 15 إصابة جديدة، وهذا كيعني أن كاينين شي مصابين حسبوهم على الرحامنا بالخطأ وعاد رجعو يحسبوهم مع المصابين اللي فمراكش.

كذلك، وحسب آخر المعطيات اللي علنات عليها المديريات الجهوية فالصفحات ديالهم الرسمية فموقع التواصل الاجتماعي “فيسبوك”، تسجل أكبر عدد دالإصابات الجديدة فجهة الرباط سلا القنيطرة (78+)، تابعاها كازا (56+)، لكن ما معروفش  فين تسجلو تحديدا، حيت اليوم اول مرة مديرية الرباط كدير الحصيلة الإقليمية من بعد سيمانة، ومديرية كازا اليوم مازال ما علنات باش يمكن للمتابع يعرف فين تزادو الإصابات الجداد.

وبقات غير مديرية كازا ومديرية جهة كَلميم وادنون اللي ماعلنوش، إلى حدود كتابة هذ السطورة، على التفاصيل المتعلقة بالأقاليم ديالها، وأعداد حالات الشفاء والوفيات.

وهاذي جميع المعلومات المتوفرة على الإصابات بالأقاليم بالتفصيل ومن المصادر الرسمية:

جهة كازا سطات: جات فالمركز اللول ب 1306 حالة (56+) – 45 وفاة – 291 شفاء.
الأقاليم: المحمدية 56، النواصر 53، مديونة 50، سطات 49، الجديدة 15، برشيد 14، بنسليمان 0، سيدي بنور 0.
عمالات كازا (1069 إصابة فالمجموع): البرنوصي 299، عين السبع الحي المحمدي 227، آنفا 199، مولاي رشيد 100، عين الشق 87، بن مسيك 57، الفدا 52، الحي الحسني 48.
آخر تحديث: لبارح الاثنين مع 16:00 (باستثناء عدد الإصابات للإجمالي فالجهة اللي علنات عليه الوزارة اليوم الثلاثاء مع 16:00).

جهة مراكش آسفي: جات فالمركز الثاني ب1091 حالة (15+) – 50 وفاة (2+) – 588 شفاء (42+).
الأقاليم: مراكش 804 (40+)، الرحامنة 203 (25-)، الحوز 47، شيشاوة 24، قلعة السراغنة 10، الصويرة 2، آسفي 1، اليوسفية 0. (وقع خلط فالأرقام بين مراكش والرحامنة)
آخر تحديث: اليوم الثلاثاء مع 16:00.

جهة طنجة تطوان الحسيمة: جات فالمركز الثالث ب740 حالة (10+) – 23 وفاة (1+) – 179 شفاء (9+).
الأقاليم: طنجة 533 (8+)، العرايش 119 (1+)، تطوان 74 (1+)، الحسيمة 13، وزان 1، شفشاون 0.
آخر تحديث: اليوم الثلاثاء مع 16:00.

جهة فاس مكناس: جات فالمركز الرابع ب676 حالة (14+) – 26 وفاة – 307 شفاء (20+).
الأقاليم: فاس 457 (12+)، مكناس 115، تازة 55 (1+)، إفران 20، صفرو 14، تاونات 8 (1+)، مولاي عقوب 5، الحاجب 2.
آخر تحديث: اليوم الثلاثاء مع 17:30.

جهة درعة تافيلالت: جات فالمركز الخامس ب551 حالة (3+) – 4 وفاة – 221 شفاء (6+).
الأقاليم: ورززات 474 (2+)، ميدلت 47، زاكَورة 13، تنغير 9 (1+)، الرشيدية 7.
آخر تحديث: اليوم الثلاثاء مع 16:00.

جهة الرباط سلا القنيطرة: جات فالمركز السات ب 453 حالة (78+) – 11 وفاة – 234 شفاء.

الأقاليم: الرباط 166، سلا 146، الصخيرات تمارة 99، القنيطرة 34، الخميسات 7، سيدي سليمان 1، سيدي قاسم 0. (بالنسبة للحالات الجديدة فكل إقليم مايمكنش تعرف حيت ماكايناش حصيلة لبارح)
آخر تحديث: اليوم الثلاثاء مع 16:00.

الجهة الشرقية: جات فالمركز السابع ب 175 حالة – 8 وفاة – 87 شفاء (4+).
الأقاليم: وجدة أنكَاد 68، الناظور 40 ، بركان 39، الدريوش10، تاوريرت 9، كَرسيف 8، فكَيكَ 1، جرادة 0. (لا جديد)
آخر تحديث: اليوم الثلاثاء مع 16:00.

جهة بني ملال خنيفرة: جات فالمركز الثامن ب 85 حالة – 7 وفاة – 28 شفاء (1+).
الأقاليم: آزيلال 36، خريبكَة 27، الفقي بنصالح 13، بني ملال 8، خنيفرة 1.
آخر تحديث: اليوم الثلاثاء مع 16:00.

جهة سوس ماسة: جات فالمركز التاسع ب 51 حالة – 7 وفاة – 25 شفاء (3+).
الأقاليم: أكادير إداوتاوتنان 23، إنزكَان آيت ملول 22 (1+)، طاطا 4، اشتوكة آيت باها 2، تارودانت 1، وتيزنيت 0.
آخر تحديث: اليوم الثلاثاء مع 16:00.

جهة كَلميم واد نون: جات فالمركز العاشر ب 39 حالة، 0 وفاة – 1 شفاء.

الاقاليم: كَلميم 22 – آسا زاكَ 1.
آخر تحديث: الأحد 26 أبريل مع 10:00 (باستثناء عدد الإصابات للإجمالي فالجهة اللي علنات عليه الوزارة اليوم الثلاثاء مع 16:00).

جهة العيون الساقية الحمرا: جات فالمركز حضاش ب 4 حالات – 0 وفاة – 4 شفاء.
الأقاليم: بوجدور 4، الأقاليم الأخرى 0 (لا جديد).
آخر تحديث: اليوم الثلاثاء مع 16:00.

جهة الداخلة واد الذهب: جات فالمركز اللخر ب 2 حالات – 0 وفاة – 2 شفاء.
الأقاليم: واد الذهب 2، الأقاليم الأخرى 0. (لا جديد)
آخر تحديث: اليوم الثلاثاء مع 16:00.

وللإشارة، وصل عدد المصابين الإجمالي فالمغرب اليوم، إلى حدود الساعة 16:00 ل5219، منهم 181 ماتو، و1838 تشافاو.

موضوعات أخرى

28/03/2024 16:00

رقم معاملات “لُوسِيبِي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو