25/04/2024 21:00
هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
وكالات-كود//
كايلي جينر، أصغر مليارديرة عصامية في العالم قررات تمتص الغضب لي ناض عليها بعدما حطات تصويرة صندالة مصوبة من جلد الحيوانات، وتبرعات بنص مليون دولار لصالح الإغاثة من حرائق الغابات لي ماتو فيها 500 مليون حيوان بينهم سلالات نادرة.
مصدر مقرب من النجمة العالمية كشف لصحيفة الديلي ميل أن التبرع جا من بعد نهار واحد من الهجوم الشرس لي تعرضات ليه هي وعائلتها، وهي أكدات أن الهدف ديالها ملي حطات صورة صندالة مكانش هو جرح مشاعر الناس.
وكانت جينر قبل صورة الصندالة حطات تصويرة ديال عامل إطفاء هاز حيوان الكوالا بين يديه وسط العافية وكتبات: “ أكثر من نصف مليار حيوان ماتو في أستراليا”، وهادشي جا متناقض.