عمـر المزيـن – مكتب الرباط//
[email protected]

علمت “كود”، من مصادر مطلعة، أن البوليس لي خدامين ف الباراج ديال باب الفتوح بمدينة فاس، قرقبو هاد السيمانة على مواطن فرنسي حقاش لقاو عندو كمية من الحشيش جابها من كتامة وكان باغي يهربها للخارج انطلاقا من رحلة جوية بمطار فاس سايس.

وحسب مصادر “كود”، فإن هاد كاوري شدوه البوليس مني كان راجع من منطقة كتامة، قبل أن يتم إحالته على المصلحة الولائية للشرطة القضائية، التي قدمته أمام النيابة العامة المختصة، حيث تقرر متابعته في حالة اعتقال بسجن بوركايز.