كريم الشركي – كود //
واحد لكسيدا وقعات قبل أيام فمدينة زايو بإقليم الناظور، حاول فيها شيفور ديال طوموبيل يهرب من البوليس ولكن ماصدقاتش ليه.
صطافيط البوليس حاولات توقف الشيفور المعني اللي كانو راكبين معاه جوج ديال الناس، وبعدما رفض حاول يهرب منهم، ولكن “زهرو لمكفس” طيحلو فالطريق طوموبيل دالجوندارم كانت جايا فاص ودخل فيها.
الشيفور وصاحبو هربو وبقى الثالث اللي شدوه البوليس بعدما عرفو أنه كان عندهوم الحشيش داكشي علاش هربو، وتم تقديم المتهم للنيابة العامة اللبدي قررات حبسو ومزال كيقلبو على صحابو.