زلزال قوي ضرب تركيا.. 2 ديال الصمعات طاحو ووزير الداخلية صيفط خبراء للمدينة
نجوى المالحي-كود//
علمت “كود” من مصادر أن الممثلة خديجة اساد، مرات الفنان الراحل عزيز سعد الله، اختارت تبعد على وسائل الإعلام نهار الگنازة ديال راجلها، وما تعطي حتى تصريح واخا القنوات الرسمية كانت حاضرة.
مقربين من خديجة، حضرو للعزاء وقالو لـ”كود” أنها مأثرة بزاف بالموت ديال راجلها، وما مستوعباش الأمر، وهادشي خلاها تبقا وسط الدار طيلة 3 أيام الأولى، وتستقبل الناس المقربين منها ومن راجلها فقط.
خديجة اساد وبعد الإعلان على الوفاة ديال سعد الله، حضرات الصحافة، واعتذرت ليهم بطريقة لبقة، عن طريق شخص من عائلتها، وهادشي زاد أكد للصحفيين أنها منهارة وما تقدرش تهضر مع الإعلام.
المصدر ديال “كود” اضاف أنها ما غاديش تهضر في هاد الفترة نهائيا، حتى تتجاوز محنة الموت ديال راجلها، ورفيق دربها.