20/04/2024 14:30
الشبكة اللي كيتزعمها سوري ونصبات على بنات ففاس واستغلاتهم فالدعارة مشات تغراق حبس: الوكيل العام دوزها مباشرة لغرفة الجنايات والضحايا وصلوا لـ16
نجوى المالحي-كود//
البارح الماكيوز المغربية دينا أقصبي لي ساكنة في دبي مقداتها فرحة بعدما تلاقات مع المغني الكولومبي العالمي “مالوما” وتصورات معاه وكانت شوية وتسخف.
دينا كتبات في تعليقها على التصويرة أن حلم من أحلامها تحقق ملي شافتو. وقالت في ستوري انستكَرام أن التقاط الصور مع مالوما كان ممنوع بشكل كلي، لكن خالتها تدخلات وتوسطات ليها باش تدخل عندو للقهوة لي كان فيها.
الغريب أن دينا جاها الحماس كثر من القياس وناضت دارت فوطوشوب بحالا مالوما حط تصويرتهم في الكونط ديالو، وهادشي خلاها تولي محط انتقاد.
ونشر مالوما فيديوهات وتصاور من زيارتو في دبي على صفحتو في انستگرام لي فيها 49 مليون متتبع.
