كود الرباط ////
ولي العهد محمد بن سلمان رجل السعودية القوي اللي متحكم فكلشي يقول ما لا يفعل. شد امراء ومليايرية باش يجمع لفلوس اللي محتاجاهم الدولة واتهمهم بالفساد وشرا قصر لويس السادس عشر قرب باريس. هاد القصر كيف نشرت “نيويورك تايمز” يعتبر الاغلى فالعالم. فيه 5 الاف متر مربع وهو نسخة مصغرة من قصر فيرساي. ثمنو غير ب275 مليون دولار. كيخدم بالتكنلوجيا الحديثة. غير بايفون وكتحكم فاجمل ما فيه النافورة الشهيرة
الجريدة الامريكية اكدت ان شركة “ايت انفستيسمانت” ويديرها تامر ناساييف هي اللي سبق شرات لوحة “منقد العالم” لسالفادور دالي ب450 مليون دولار وفالاخير ناض متحف اللوفر بابو ظبي وقال باللي هو اللي شراها. غير “نيويورك تايمز” عندها الوثائق الصحيحة على شكون شرا شكون.
