كود الدار البيضاء ////

هاد الاغلبية اللي فالحكومة نايضة بيناتهم. كيكولو باللي منساجمين وهما غير طالقين علينا السلوگية لدرجة ان الصورة فضحاتهم. تصورو الصورة اللي داروها باش تبين باللي هما منساجمين قالت عكس ذلك. شوفو لشكر الكاتب الاول ديال الاتحاد الاشتراكي او اللي خرج على حزب عندو احترام كبير عند لمغاربة. فالصورة الجماعية داير يدو ليسرى ماشي ليمنا بحال مسؤولي الاحزاب الخمس لخراين. غاديين تقولو راه فالجنب واليسار ووو وفالتصويرة ما غادياش تجي. هاد الشي ما شادش.

شوفو شوفتو. بحال شي حد مبززين عليه يحضر للعرس. جايبينو وما حاملش. نبيل بنعبد الله الامين العام لحزب التقدم والاشتراكية فنفس الصورة كيشوف بالجهة لخرى لبعيدة على وجوه باقي المسؤولين الحزبيين.
هناء ابو علي

لكلام كيبقى غير هدرة واخية قدام الصورة. صورة كتقول باللي التحالف ما شادش. ما شادش حقاش ماشي طبيعي بل تفرض. فرضوه صحاب الوقت وقادوه وعطاوه لابن عرفة وقبلو ودابا كيوزع فالضحكات الصفرا. اييه اوليدي ضحك غير انت ما درتي ما خدمتي ووليتي رئيس حكومة