29/03/2024 06:00
العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه
كود كازا//
مشرملين فالعاصمة الاقتصادية خطفو بنت في طوموبيل مشفورة وتكرفسو عليها جنسيا. بقاو مدة روشيرشي لكن البوليس مطيحوش يديهم وبقاو متابعين التحركات ديالهم حتا جابوهم كاملين. دابا كيتحاكمو أمام غرفة الجنايات الابتدائية بمحكمة الاستئناف بالدارالبيضاء.
بداية المغامرات الإجرامية ديالهم كانت مع استغلال الطوموبيل المشفورة في تنفيذ عمليات سرقة في حق العديد من الضحايا. قبل ما يزعمو وردو البال للضحية اللي كانت في بلاصة مقطوعة ركبوها معاهم صحة قبل ما يهددوها بأسلحة بيضاء وشبعو فيها سبان وتحرش وسالاوها بجريمة اغتصاب.