الطلب على العقارات تبدل فالمغرب. المشترين ولاو كيفضلو السكن لي كاين فالسونطر ديال المدن وإقبال متزايد على الاستوديوهات لي واصل ثمنها لمليون درهم للفوق
عن الواشنطن بوست//
صحيفة الواشنطن بوست، نشرات مقال بقلم “إريك گولدشتاين”، كيقارن فيه بين اغتيال الصحفي السعودي جمال خاشقجي، واختفاء زعيم المعارضة المغربية للحسن الثاني المهدي بن بركة في 1965 في باريس.
كتب گولدشتاين، ان بن بركة مختلف عن خاشقجي، الصحفي السعودي المعارض المعتدل المنفي اللي دخل للقنصلية ديال السعودية في اسطنبول، وماعاودش خرج، ولكن قضية بن بركة فيها دروس مهمة على كيفية الرد على الاغتيال المزعوم ديال خاشقجي، وحتى ثمن عدم التفاعل مع بحال هاد القضايا.
واضاف گولدشتاين: “هاد المنعطف اللي العالم بصدده مخاصش نضيعوه. على المجتمع الدولي أن يضع على محك التحدي فكرة الاصلاح من لفوق لتحت اللي كيتبناها بن سلمان وخلاتو يسحق كل الاصلاحيين، من غير راسو”.
وسالا المقال ديالو قائلا : “بمناسبة الذكرى الأربعين لاختطاف بن بركة، رئيس بلدية باريس تراس حفل افتتاح ساحة المهدي بن بركة، يمكن شي نهار غادي يحطو لوحة أمام القنصلية ديال السعودية في اسطنبول للاحتفال بذكرى اختفاء خاشقجي…”
المقال الاصلي: