كود الناظور///

واحد الكاتب عموم فميضار بإقليم الدريوش بغا يدير فيها مطور وينصب على الطلبة، بعد ما أوهمهم أنه يقدر يسهل ليهم الامور باش يقراو في جماعة غرناطة العريقة فإسبانيا، وكل هادشي بمقابل مادي قرده جوج مليون سنتيم لكل طالب باغي يكمل قرايتو فإسبانيا.

وحسب مصادر محلية فإن الطلبة مشاو وجمعو لفلوس آملين أنهم يمشيو يكملو قرايتهم بإسبانيا، وجاو عطاوها للنصاب لي هو كاتب عمومي فميضار، ومن بعد ما تسلم المتهم لفلوس بات ما صبح، وماعرفوه فين مشى ليكتشفو أنهم كانوا ضحية عملية نصب.

الطلبة ماسكتوش ودارو خطة ذكية وزوينة باش يطيحو المتهم لي كانت عندهوم صورتو، ناضو نشروها فمجموعات فايسبوكية ديال الطلبة ودارو عليها إعلان بأن هاد السيد إختفى وولدو مريض بزاف وخاصهوم يوصلو ليه باش يجي يشوف ولدو، وطبعا نجحات الخطة وعطاوهوم نشطاء الفايسبوك عنوان وكالته العمومية فجماعة ميضار، وما عرف الدقة منين جاتو حتى لقى رجال الدرك واقفين عليه بسبب أربع شكايات دالنصب والاحتيال.