كود سيدي رحال//

فضيحة كبيرة هاديك اللي دارها واحد الفيديو راج هاد الصباح على وسائل التراسل الفوري بحال (الواتساب) ، وفي هاد الفيديو كايبان مستشار بالمجلس الحالي المنتهية مهمته بجماعة سيدي رحال الشاطئ وهو كيوزع الأموال على بعض النساء.

https://fb.watch/7QuAa5jQ0Z/

وحسب المعطيات التي توصلت بها “كود” من مصادر مطلعة فإن المستشار اللي كان كيشغل منصب نائب رئيس المجلس الجماعي لسيدي رحال، واللي سبق ليه كان رئيس لهاد الجماعة، كما سبق ليه تعرض للعزل عندما كان نائب أول للرئيس، واللي غادر الحزب ديالو اللي ترشح بيه في الولاية المنتهية، والتحق بحزب الاتحاد الاشتراكي بالدائرة رقم 5، تم توثيق فيديو ليه وهو بصدد توزيع أموال لاستمالة ناخبين وإفساد العملية الانتخابية اللي كا يتعتابر واحد من الوجوه ديالها، وهو المشهور بلقب “الفيدور”، واللي كان كا يشغل مهمة ناظر الوقف المحبس على الشرفاء بسيدي رحال.

وطالب مجموعة من السكان النيابة العامة بالمحكمة الابتدائية ببرشيد بفتح تحقيق في هاد الفيديو وترتيب الجزاءات القانونية الخاصة على المتورط فيه.