20/04/2024 08:00
فيروس متحور خطير بدا كينتاشر فإفريقيا.. كيقتل نسبة كبيرة من المصابين بيه
كود احمد الطيب الرباط ////
وصف قيادي فحزب التجمع الوطني للاحرار فتصريح ل”كود”٬ رسالة حزب التقدم والاشتراكية للحكومة ب”البدعة” وقال بالي “تستحق جواب من الحزب”.
المصدر اكد ل”كود” باللي لحمامة غترد على الكتاب٬ واخا ما تفهماتش ليه هاد القضية ديال حزب “يسائل” حزب٬ واعتبرها “ممارسة يمكن تصنيفها خارج الأعراف الديمقراطية”.
القيادي التجمعي قال ل”كود” باللي لجوء حزب بنعبد الله لهاد “الأسلوب الجديد في التعامل مع القضايا التي تشغل بال الرأي العام” فيه “نوع من الاستخفاف”.
واضاف فتصريحو ل”كود” “واش حزب التقدم والاشتراكية سالى كاع الآليات والقنوات الحزبية اللي كيتميز بها عن المواطن؟. راه حزب شارك فالانتخابات وعندو فريق فالبرلمان يمكن ليه يخاطب كاع وزراء الحكومة فقبة البرلمان والدستور عطاه الضمانات باش يعبر على مواقفو المؤسساتية”.
واكد المسؤول الحزبي فتصريحو ل”كود” “ايلى دارها مواطن وخاطب رئيس الحكومة عبر الاعلام او عبر شي رسالة مفتوحة٬ نفهموها٬ ولكن هاد الشي اللي دار حزب البي بي اس” غريب عجيب.
